आन्तरिक लेखापरीक्षणले संस्थाको व्यवस्थापन तथा लागु भएका प्रणालीहरूको प्रभावकारीताको गुणस्तर मापन गर्ने, संस्थाले पालना गर्नु पर्ने ऐन, नियम तथा कानुन पालना भए नभएको जाँच गर्ने, संस्थाको आन्तरिक नियन्त्रण प्रणाली तथा सञ्चालनमा कुनै समस्या भए पत्ता लगाउने र समस्याहरूको समाधान तथा सुधारको लागि आवश्यक सुझाव दिने भएकाले यो पाठ्यक्रमले आन्तरिक लेखा परीक्षण समूहलाई लेखापरीक्षण सम्बन्धमा आवश्यक यस्ता बिषयको जानकारी दिन्छ। यो पाठ्यक्रमको उद्देश्य माथि उल्लेखित विषयलाई वैचारिक र कार्यगत क्षमता अभिबृद्दि गर्ने हो । आन्तरिक लेखापरीक्षणले विशेष गरी जोखिम व्यवस्थापन, आन्तरिक नियन्त्रण प्रणाली तथा सुशासनमा केन्द्रित भइ कार्य गर्ने भएकाले यो पाठ्यक्रमलाई अङ्गिकार गर्नु अत्यावश्यक छ ।
